الأستاذ المدرس المصرى

الأستاذ المدرس المصرى

علي مرسي

ممنوع عليه انه يدى دروس خصوصيه رغم ان الدكتور بيكون شغال فى مستشفى حكومى الصبح وبيقتح عياده وكمان بيروح للمريض لحد البيت ومطلوب منه يستخبى زى المجرمين ويخبى العيال زى تجارالمخدرات احسن حد يطُب عليه وهو بيدى درس رغم ان المرتب ما بيكفييش نص الشهر.

- ومطلوب منه ان يشتغل بإخلاص وضمير رغم تثبيت مكافاة الامتحانات والاساسى على اساسى 2014 رغم زيادة الاسعار كل يوم . ويصبح هو حديث الساعه وملطشة الاعلام والسينما والتليفزيون .- ومطلوب منه انه يحافظ اوى على صحته وما يمرضش ولا يوم علشان الحوافز ما تتخصمش .

- ومطلوب منه انه ماياخدش اجازه اعتياديه علشان الحوافز ما تتخصمش .

- ومطلوب منه إنه يدخل كل يوم حصص احتياطى زياده عن نصابه ببلاش لله والوطن مجانا ولما مره يزهق ويقول لاء يتحول للشئون القانونية يتجازا

- ومطلوب منه يشتغل فى كل انتخابات 3 ايام متواصله ويسهر فى الفرز ويشيل الصناديق على كتفه قدام مستشار ده من سن اولاده لان مرتبه ما بيكفيش .

- ومطلوب منه انه يتنقل من مدرسته ومكانه وقت ما المدير يغضب عليه او وقت ما الموجه يجى له مزاج بصرف النظر عن السنين اللى قضاها فى مكانه او بصرف النظر عن رغبته فى الاستقرار .

ومطلوب منه انه يتصل بموجه ما بيردش على تليفونات وعايش فى الدور رغم انه ممكن يكون كان مدرس فاشل هربان من التدريس للتوجيه وبيتحكم فى مصاير ناس غالبا بتكون اكفء منه ماعدا بعض الموجهين المحترمين .

ومطلوب منه يتخلى ادارى رغم عن ارادته لو كان رافض يروح مكان بعيد عن بيته زى عمال التراحيل ومطلوب منه انه يتجازى بالامر المباشر بدون تحقيق .

- ومطلوب منه انه ما يحلمش بتغيير المسمى الوظيفى مهما ذاكر اوحصل على مؤهلات ويلاعبوه ملاعيب شيحه علشان الموجه رافض ويفضل مصيره طول عمره فى ايد حد تانى تمام زى العبوديه .

- ومطلوب منه انه يقعد امن على باب المدرسه زى البوابين ويتحمل صفاقة وقلة ادب ولى امر جاهل او واحده ست لسانها طويل .

- ومطلوب منه انه يسامح ويتنازل لو اولياء الامور شتموه او ضربوه لانه شىء عادى فى وزارته .

مطلوب منه يروح يراقب فى الثانويه العامه ويتحمل السفر او المواصلات والبهدله والقلق وانه يصرف مستحقاته عن الملاحظه على اساسى 2014 و بعدها بشهوروحتى لما يصرف بيكون المبلغ راح فى المواصلات.

- ومطلوب منه انه ما يغيبيش ايام الامتحانات والملاحظه فى الاعداديه وفى والثانويه مهمها كانت ظروفه والا هياخد جزاء .

مطلوب منه انه يلبس كويس ومرتبه ما بيكفيش ويعلم ولاده كويس ومرتبه ما بيكفيش ويعيش كويس ومرتبه ما بيكفيش .

ومطلوب منه انه لما يطلع معاش يكمل الصبر علشان بيلاقى اللى بياخده بعد ما ضيع حياته فى التدريس مجرد ملاليم بيصرف نصهم على العلاج وعلى السكن ويتداين من طوب الارض لو حب يجوز بناته .

ومطلوب منه انه لما يطلع معاش يكمل الصبر علشان بيلاقى اللى بياخده بعد ما ضيع حياته فى التدريس مجرد ملاليم بيصرف نصهم على العلاج وعلى السكن ويتداين من طوب الارض لو حب يجوز بناته .

ومطلوب منه انه لما يطلع معاش يكمل الصبر علشان بيلاقى اللى بياخده بعد ما ضيع حياته فى التدريس مجرد ملاليم بيصرف نصهم على العلاج وعلى السكن ويتداين من طوب الارض لو حب يجوز بناته .